Fichas dos animais: domésticos e salvaxes

Como xa dixeramos, nas ultimas sesións estamos a traballar cos tipos de animais, neste caso, domésticos e salvaxes; características dos mesmos: se teñen plumas, pelos ou escamas, se son mamíferos ou ovíparos...

Para motivalos e tamén para xuntar máis información propuxemos como actividade que os nenos/as de 4 e 5 anos trouxeran unha ficha técnica do seu animal favorito. Foi moi interesante, xa que cada neno/a espuxo a súa ficha e aprendemos moitas, moitas cousas. Nestes días estivemos colgando no pasillo as fichas para que aqueles rapaces que estén interesados poidan botarlles un vistazo e aprender cousas moi curiosas sobre estes animais.

Por se algún non tivo tempo de facela, deixámosvos aquí un exemplo dunha delas, neste caso a fotografía foi feita por David Carballada(5 anos) e saíulle moi moi ben!

  FICHA TÉCNICA:

1.  NOME

2.  CARACTERÍSTICAS.

3.  LUGAR ONDE VIVE.

4. ALIMENTACIÓN.

5. REPRODUCIÓN.

6. CURIOSIDADES.

Animádevos a facelas, quedan moi ben e son moi interesantes para os rapaces!

Rutas Urbanas Animadas: " Os xardíns de Méndez Núñez"

Hoxe os nenos/as de 3 anos tiveron unha saída ós xardíns de Méndez Núñez, onde tiveron a oportunidade de entrar en contacto coa natureza e realizar unha serie de actividades e xogos entre as que destacan: xogar co paracaidas, rega-las plantas ou un xogo con tarxetas no que podían diferenciar o que está ben feito ou non no entorno natural. 

Finalmente chegou a hora de marchar, e as monitoras obsequiaron ós rapaces cuns adhesivos relacionados coa visita. Esperamos que os disfrutedes!

Día das letras galegas

Valentín Paz Andrade

Este ano, o día das letras galegas adícaselle ó escritor e avogado Valentín Paz Andrade. Naciu no ano 1898 en Lérez(Pontevedra), licenciouse en dereito na universidade de Santiago e posteriormente tras contactar con intelectuais da época como Castelao escribiu libros como: "Pranto Matricial" ou "Cen Chaves de Sombra" ademáis de colaborar con numerosos xornais e revistas. Fundou unha das máis importantes empresas de pesca e conxelado de Europa, Pescanova; e ademáis colaborou coa FAO, asociación que promove o desenvolvemento sostible e responsable da pesca e a agricultura. Destacou como escritor de ensaios e poesías, recibindo moitos galardóns polo seu traballo por e para Galicia. Morre no ano 1987.

Esta semana estivemos traballando o día das letras galegas, e os rapaces de Educación Infantil fixeron diferentes actividades relacionadas co mesmo:

As aulas de 3 anos, realizaron unha actividade relacionada coa paixón do autor polo mar,e estiveron a decorar este peixe chamado "Nova", mesmo lle puxeron escamas e todo!

 Os nenos/as da clase de Conchi(4 anos), foron á biblioteca e alí tiveron a  oportunidade de ver un video ilustrativo da vida do autor para posteriormente realizar unha actividade que neste caso tiña moito que ver coa vinculación do autor coa FAO.

Tamén os nenos/as de 6º de infantil traballaron o día das letras galegas, nesta ocasión mediante unha actividade Lin, na que ademáis de contarnos a vida do autor, permitíanos facer unha serie de xogos moi interesantes: memory, sopa de letras...

Xa como colofón, e entre tódalas aulas de infantil, elaboramos un mural capitaneado por Valentín Paz Andrade no que cada un de nos tiña un camarote. Que a que nos referimos? mirade, mirade:

Por último, deixovos o enlace coa actividade Lin por se queredes botarlle un vistazo cos nenos/as:

http:/www.seminariogalan.org

En psicomotricidade...xogamos cos xornais

Na última sesión de psicomotricidade, decidimos cambiar o material habitual(aros, pelotas, picas, conos, cordas...) por xornais.

Nun primeiro momento pareceulles extraño mais pronto se deron conta das cousas tan divertidas que se poden facer con este tipo de materiais.

Fixemos moitos xogos, e mesmo se nos fixo corta a sesión, pero chegou a hora de merendar e...tivemos que marchar. Non vos preocupedes rapaces, voltaremos!

Os títeres

Con motivo da celebración do festival de fin de curso, os nenos/as de Educación Infantil, están a preparar diferentes actuacións. Unha delas é unha obra de títeres titulada:" Los fantasmas Caramba", que os rapaces da aula de 5 anos da profesora Sandra están a ensaiar con moita dedicación e esforzo.

Pero non só ensaian os seus papeis, senón que ademáis comezaron a elaborar as súas propias marionetas, e non están quedando nada

mal...

Inda están comezando e falta moito traballo por facer pero seguro que no festival conseguen sorprendernos a todos!

Rutas urbanas animadas: historias de María Pita

Hoxe, foi un día especial para os nenos de 5º de infantil (4 anos), xa que tivemos unha visita á plaza de María Pita onde os nenos/as poideron coñecer un pouquiño máis  da historia da nosa cidade dunha maneira máis divertida, mediante xogos e historias, como por exemplo:

1) No primeiro dos xogos, a monitora Miriam, explicounos que fai moito tempo un pirata inglés chamado Sir Drake, chegou A Coruña para quitarlles ós coruñeses o seu tesouro, que non era outro que a propia cidade. Pero entón a valentía da xente da Coruña fixo que poidesen resistir e votar ós ingleses sen necesidade de empregar armas.

Xogo: Dividíamos osnenos/as en grupos e  con bolas feitas con papel de xornal faciamos unha batalla de bolas.

2) Despois adentrábamos nun lugar que asemellaba un castelo dentro do propio concello e alí os nenos/as puideronse sumerxir na famosa historia de "Hércules e o xigante Xerión", ademáis de coñece e observar diferentes escudos da cidade que foron evolucionando co paso do tempo.

3) Nesta zona, os nenos/as  eran informados de que durante a batalla, os cidadáns coruñeses resistían cobixandose tras enormes muros de pedra que os protexían dos fortes ataques dos soldados ingleses.

Xogo: Nesta ocasión, o xogo consistía en achegarnos ó muro e pegar diferentes partes do noso corpo, así como tamén en chegar correndo para tocar diferentes espacios que nos suxería a monitora.

 

4)Por último, fixemos un xogo de discriminación auditiva, no que os nenos/as, cos ollos tapados e tras escoitar o son dun instrumento (caixa china ou cascabeis) tocado por un compañeiro/a que estaba agochado ,debían descubrir porque lado estaban sendo atacados . Coidado con Carlota, que nos ataca!

  

Logo chegou o autobús e tivemos que regresar a escola, inda que o pasamos fenomenal! Alguén quere repetir?

Taller de manualidades: os planetas

Continuando coa unidade do universo, os nenos da aula de 5 anos, quixéronnos demostrar canto sabían dos planetas: posición no universo, cores, tamaño...

Que opinades, aseméllanse bastante verdade?

Pois para conseguir estes resultados todos/as traballaron moito: recortando, pintando, pegando... E tamén empregaron moitos materiais como lá, algodón, boliñas de papel, plástico, lentellas e moitas cousas máis.

            Bo traballo rapaces/zas!

Crece, crece semillita

Nestes días, os rapaces/zas de educación infantil están a traballar coas plantas. Estiveron confeccionando as súas propias macetas (empregamos uns vasos de iogurt que eles mesmo trouxeron), decoraron as macetas con pegatinas e mesmo con plastilina.

Quedaron moi bonitas, e finalmente poidemos plantar nelas unhas semillas de xirasol.Estaremos moi pendentes de observalas e proporcionarlles a auga e a luz necesaria para que poidan medrar. 

          

Moitas grazas pola vosa axuda, familias!